Porti i Durresit dhe peripecite e turisteve

• Tweet
• Email

• Tweet
• Email

Nje shkrim i fundit ne nje gazete shqiptare, nxjerr serish ne pah problemin e portit te Durresit.

Rreth 600 turistë gjermanë kanë ardhur për një vizitë turistike në qytetin e Durrësit me një krociere ruse që mbante emrin e shkrimtarit të madh rus dhe një prej themeluesve të realizmit socialist “Maksim Gorki”. Marrja e një krociere ruse për një xhiro të gjatë turistike në këtë periudhe ka edhe shpjegimin tjetër, përpos pasionit. Tregu lindor përfshirë edhe atë të krociereve duke qënë më i lirë është edhe më konkurrues, në një kohë kur vendet e mëdha i ka përfshirë kriza ekonimoke mbarëbotërore. Me sa duket agjensitë turistike gjermane i kanë parë me sy me favorizues tregjet ruse.

Krocieria “Maksim Gorki” ka mbërritur sëfundi në brigjet e Durrësit. Ajo erdhi nga ishujt grekë dhe sipas agjensisë turistike do të vazhdojë udhëtimin nëpër brigjet e detit Adriatik deri në veri dhe më pas në portet e Mesdheut.

Krociera ruse që ka sjelle afro 600 turiste gjermane dhe zviceriane nuk u fut dot në Portin e Durrësit sepse ka zhytje mbi 11 meter. Garancitë që ofron porti i Durrësit jane deri në 9 metër thellësi. Mungesa e parametrave të portit më të madh në vend ka bërë që turistët të zbresin me varka në port në kushte të mëdha sigurie nga ana e Policisë së Shtetit ashtu edhe të forcave të Sigurisë Portuale. Kjo me sa duket nën frymen e kujdesit, pasi terrorizmi ndërkombëtar po synon të godasë shtetasit e huaj, siç ndodhi në hotelet e Indisë.

Turistët pasi kanë zbritur nga krocieria kanë bërë vizita në qytetin e Durrësit, të Krujës dhe Tiranës. Krocierja me gjatësi 195 metër dhe kapacitet prej 25 mijë ton u nis më pas nga rada e portit në vazhdim të një turi shëtitës Mesdhetar me ndalesa të tjera në porte të Adriatikut dhe Jonit.

Sikur thellesia e portit te lejonte nje “parkim” te nje anije tille, pervoja e vizites se turisteve do te ishte akoma me e mire, dhe do t’u kushtonte me pak kohe dhe me pak masa sigurie. Autoritetet portuale duhet te mendojne per nje zgjidhje te ketij problemi, per vete faktin se po kerkojme te rrisim prurjen e turisteve te huaj me te gjitha menyrat, dhe infrastruktura rrugore, ajrore dhe portuale duhet te jete ne gjendje t’i prese ata sa me pare dhe ne menyren me te mire.